Sunday, 29 January 2012

Gazal



Woh hasb e wada na aayaa to aankh bhar aai
Mujhe tamasha banaya to aankh bhar aaii

Saja ke rakhta thaa palkoN pe jis ko main aksar
Nazar se us ne giraayaa to aankh bhar aaii

Hamesha karta tha meri jo naaz bardaari
Usi ka naaz uthaaya to aankh bhar aaii

Jise samajhta tha main dil nawaaz jab us se
Sukoon e qalb na paaya to aankh bhar aaii

Woh mujh se bharta tha dam dosti ka lekin jab
Udoo se haath milaaya to aankh bhar aaii

Na thaa yeh wahm o gumaaN mujh ko woh bulaye ga
Magar jab us ne bulaaya to aankh bhar aaii

NahiN hai shikwa koii doston se aye Barqi
Fareb dost se khaayaa to aankh bhar aaii.


safar naya zindagi ka tumako n ras aae to laut aana

feraq me mere nind tumako agar n aae to laut aana

nahin hai ab kaif koee baqi tumhare jane se zindagi men

tumhen bhi rah rah ke yad meri agar satae to laut aana

tere lie mera dar hamesha isi tarah se khula rahega

agar kabhi vapasi ka dil men khayal aae to laut aana

bagair tere bujha bujha hai bahar ka khushagavar manzar

tujhe bhi yah khushagavar manzar agar n bhae to laut aana

tumhari saragoshiyan abhi tak vah mere kanon men goonjati hain

hasin lamaha vah zindagi ka jo yad aae to laut aana

gazal sunaoon main kisko hamadam ki meri jane gazal tumhi ho

dobara vah nagamae mohabbat jo yad aae to laut aana

khayal isaka nahin ki duniya hamare bare men kya kahegi

jo koee tumase n apana ahade vafa nibhae to laut aana

hai din men be kaif qalabe muzatar bahut hi sabr aazama hain raten

tumhen bhi aise me yad meri agar satae to laut aana

tujhe bhi ehasas hoga kaise shabe judaee guzar rahi hai

sanbhalane se bhi dil jo tera sanbhal n pae to laut aana

kabhi n too rah sakega mere bagair Barqi mujhe yaqin hai

khayal mera jo tere dil se kabhi n jae to laut aana.